VIKI CLIP. Filmin qəhrəmanı, serialın tarixçəsi, verilişin məzmunu barədə qısa məlumatı və lakonik təsviri CLİPTV VIKI vasitəsilə əldə edin.
Televiziya tamaşaçıları bütün zamanlarda kanallarda maraqlı verilişlər axtarışında olub. Minlərlə proqram, film və veriliş. Bütün bu proqram və verilişlər dənizində necə baş çıxarmaq? Nəyi seçmək? Və ən əsası isə necə seçmək? Axı heç bir məlumat yoxdur... Filmə baxmaq istəyirsən, amma adından başqa heç bir informasiya görmürsən. İndi gərək vaxt itirəsən, filmin müəyyən hissəsinə baxasan, titrləri oxuyasan ki, başa düşəsən – bu, nədirsə, amma sənin axtardığın deyil... Bəs nə etməli?
Həll isə var. Özü də lap yaxında. Bunun üçün əvvəlcə CLİPTV abunəçisi olmaq lazımdır. CLİPTV abunəçiliyi hər şeyi, hətta ən xırda detalı belə əhatə edir, gözdən qaçırmır. Çünki, məhz bu xırda detallarda Sizin rahatlığınız, Sizin komfortunuz gizlənmişdir. Demək, Siz CLİPTV-yə qoşuldunuz. Filmləri janrlara uyğun olaraq ayırdınız. Məsələn, detektiv janrını seçdiniz. İndi isə filmləri çəkildiyi ölkələr üzrə ayırdınız. Və nəhayət istədiyiniz siyahını aldınız. Bu siyahıda olan hər bir filmi isə onun haqqında qısa məlumat müşayiət edir. Yəni, indi Sizdə filmdə baş verən hadisələr, bu hadisələrin cərəyan etdiyi dövrü və yeri barədə məlumat vardır. Eyni zamanda, filmdə çəkilmiş aktyor tərkibi, çəkiliş qrupu, filmin çəkiliş ili barədə məlumatlar da öz yerində. Hətta bundan başqa filmin kadrlarından skrinşotlar da əlavə edilmişdir.
Beləliklə, artıq Siz film haqqında tam dolğun informasiyaya malik olursunuz. İndi isə bu filmə baxıb-baxmamaq barədə qərar Sizin öz öhdənizdədir. CLİPTV abunəçiliyinin daha bir faydalı funksiyası – bütün proqramlar və kanallar üzrə qısa annotasiyaların olmasıdır. Misal üçün, əgər Siz hansısa idman kanalında Olimpiya oyunlarına baxırsınızsa, onda hər bir yarışı müvafiq idman növünə uyğun olan təsvir müşayiət edəcəkdir. Yəni, əgər Siz dəqiq bilmirsinizsə ki, baxdığınız yarış fristayldır və ya biatlondur, ekranın sağ tərəfində bunun haqqında qısa məlumat gedəcəkdir. Və artıq Siz bu məlumat əsasında baxmağa davam edib-etməmək barədə qərar verə biləcəksiniz. Çox rahat və tez.
